بہار صبح ازل ہے جمال روئے رسولؐ
جسے بھی دیکھیے ہے محو آرزوئے رسولؐ
عروج فکر و نظر شرح گفتگوئے رسولؐ
کمال لطف و عطا ہے کمال خوئے رسولؐ
ہر ایک ذرہ دل میں ان کا عکس جمیل
نگاہ شوق کو پھر بھی ہے آرزوئے رسولؐ
ہے ان کا حسن تبسم چمن میں عطر فشاں
ہر ایک غنچہ و گل میں بسی ہے بوئے رسولؐ
ملی مجھ کو عجب لذت سجود و قیام
زہے نصیب کہ کعبہ ہے میرا کوئے رسولؐ
میرے حضورؐ سے میرا سلام کہہ دینا
نسیم صبح گزر ہو جو تیرا سوئے رسولؐ
خدا مدینے میں ستارؔ مجھ کو پہنچا دے
تو نعت پاک پڑھوں جا کے رو بروئے رسول
ستار وارثی
