ڈاکٹر شیخ شہباز
شعبۂ اردو، آچاریہ ناگارجنا یونیور سٹی
گنٹور، آندھرا پرادیش
سفر نامہ ایک ایسی صنف ادب ہے۔جس میں سفر نامہ نگار اپنے سفر کے حالات،مشاہدات، تاثرات،رودواد اور کوائف کو ادب کے جملہ تقاضوں کے ساتھ تخلیقی انداز میں قلم بند کرتا ہے۔سفر نامہ کی تعریف اور فن پر اپنے خیالات کا اظہار کرتے ہوئے انور سدید تحریر فرماتے ہیں:
”سفر کے تاثرات،حالات،اور کوائف پر مشتمل
ہوتا ہے۔فنی طور پر سفر نامہ وہ بیانیہ ہے۔جو سفر نامہ
نگار سفر کے دوران یا اختتام سفر پر اپنے مشاہدات،
کیفییات اور اکثراوقات قلبی واردات سے مرتب
کرتا ہے۔”
جس طرح ہر صنف ادب کا اپنا سللہ ارتقاء ہوتا ہے۔ اِسی طرح اس صنف کا زمانہ آغاز بھی ہوتا ہے۔اردو سفر نامہ کے بجائے اگر کلی طور پر سفر نامے کے آغاز و ارتقاء کی بات کی جائے تو یہ صنف بہت قدیم ہے۔اس کی قدامت موجودہ بعض مقبول اصناف سے کہیں زیادہ ہے۔جہاں تک اردو ادب میں سفر نامے لکھنے کی تاریخ کی بات ہے۔تو اکثر و بیشترمورخین زبان اردو کا ماننا ہے کہ اردو میں سفر نامے کا آغازاب سے تقریباٌٍ ۵۷۱ برس پہلے ہوا۔یوسف خاں کمبل پوش وہ پہلا سیاح تھا۔جس نے اپنے سفر کی روداداردو زبان میں لکھی ہے۔کمبل پوش کا میلان سیر و سیاحت کی طرف بہت زیادہ تھا۔اس لئے اس نے شاہ سلیمان جاہ سے دو سال کی چھٹی لی۔اور ۰۳ مارچ۷۳۸۱ء میں انگلستان کی سیاحت کے لیے روانہ ہوا۔یوسف خاں کمبل پوش اپنے آغاز سفر ولایت انگلستان کے متعلق لکھتے ہیں:
”اکابرگی سن اٹھارہ سو چھتیس عیسویں (]۶۳۸۱)
میں دل میرا طلبگار سیاحی جہاں خصوصی ملک انگلستان
کا ہوا۔شاہ سلیمان جاہ سے اظہار کر کے رخصت دو برس
کی مانگی۔شاہ گردون باگاہ نے بصد عنایت و انعام اجازت
دی۔”
یوسف خاں کمبل پوش کا سفر نامہ ہر لحاظ سے سفر نامہ کے لوازمات سے مزین ہے۔انھوں نے اس میں اپنے سفر کے حالات،مشاہدات،تاریخی مقامات اور عجائبات و نواردات کا ذکر اور وہاں کی تہذیب ومعاشرت کا مرقع اس خوبی سے پیش کیا ہے کہ قاری کی بھی دلچسپی تسلسل قائم رہتی ہے
ڈھائی ہفتہ پاکستان میں (مبارک سفر) سفر نامہ ایک مختصر سفر کی رودواد ہے۔مگر ہے بہت دلچسپ۔ سفر نامہ پہلے پہل رسالہ ” صدق” کے دس شماروں میں قسط وار شاءئع ہوا۔اور عوام و خواص نے اسے بہت پسند کیا ۔پڑھنے اور پسند کرنے والوں کے اسرار اور خواہش کا احترام کرتے ہویئے اسے ۵۵۹۱ء میں کتابی شکل میں شائع کیا گیا۔
مولانا عبدلالماجد دریا آبادی کا یہ سفر پاکستان کے تیسرے گورنر جنرل اور پہلے وزیر مالیات ملک غلام محمد کی دعو ت پر عمل میں آیا۔ملک غلام محمداورمولانا عبدلالماجد دریا آبادی کے درمیان قیام لکھنؤ سے تیس سالہ قدیم روابط انس ومحبت تھی۔مولانا عبدلالماجد دریا آبادی تقسیم ہند کے بعد ہندوستان ہی میں رہے۔جبکہ ملک غلام محمدپاکستان کوچ کرگئے۔اپنی اسی دیرینہ ملاقات اورمحبت کی وجہ سے انھوں نے مولانا عبدلالماجد دریا آبادی کوپاکستان آنے کی دعوت دی۔اور یہ سفر انھوں نے ”مبارک سفر” کا نام دیا۔اس کی مدت ڈھائی ہفتہ تھی۔اپنے سفر کی دعوت اور میزبان کے متعلق خود تحریر فرماتے ہیں؛
”پاکستان کے موجودہ فرمانرواہزاکسلنسی ملک غلام محمد
ایک زمانے میں سرکار ہند میں ریلوے فنانس میں کسی
اونچے عہدے پرتھے اور قیام لکھئنومیں رہتا تھا۔شروع
جنوری میں اسے عنایت نامہ سے سرفراز کرکے وسطاٌ مارچ
میں اسے کراچی آنے کی دعوت دیدی۔کئی ہفتہ حیص بیص
میں گزرے اور بالاآخروسط فروری۵۵۹۱ء میں منظوری
شرروعاپریل ۵۵۹۱ء میں حاضری لکھ کر بھیجی اور اپنا ڈھائی
ہفتہ کے سفر کا پروگرام،روانگی اور واپسی کی تاریخوں بلکہ
ٹرینوں کے یقین کے ساتھ لکھ دیا۔زیارت پاکستان کی
تمنا کس مسلمان کے دل میں نہیں؟”
مولانا عبدلالماجد دریا آبادی کے اس سفر کا پاکستان میں پہلا پڑاو ہندوستان کے سر حدی اسٹیشن اٹاری اور پاکستان کے سر حدی اسٹیشن جلو کے عبور کرنے کے بعد ” لاہور” تھا۔۳اپریل ۵۵۹۱ء کو وہ لاہور پہنچ گئے۔لاہور کی گہما گہمی،تہذیب و تمدن،قدیم روایات،مہمان نوازی اورگرم جوشی کا ذکر توانہوں نے کہا ہی ہے۔علاوہ ازیں انہوں نے جس ایک بات کا تقابل اس زمانے میں بھارت اور پاکستان کی موجودہ حکومتوں کی انصاف پروری،رواداری،اور اقلیتوں کے تحفظ حقوق کے متعلق کیا ہے۔وہ نہایت چشم کشا اور بصیرت افروز ہے۔
اس سفر نامے میں جس ملک کے سفر کی رودواد بیان کی گئی ہے۔وہ ملک کوئی انجانا دیس نہیں ہے۔اور نہ ہی وہاں کی زبان و تہذیب نا مانوس۔وجہ یہ کہ ماضی قریب میں ہندوستان سے کٹ کرمملکت پاکستان کا وجود میں آیا۔جہاں کے لوگ مولانا عبدلالماجد دریا آبادی سے اور یہ ان سے اور ان کی زبان و تہذیب سے بخوبی واقف تھے۔اسی وجہ سے انہوں نے بھی صرف حالات سفر،اسفار کے ملاقاتیوں اور دورانِ سفر کے مقام کا ہی ذکر کیا ہے۔ وہاں کے رہن سہن،طرز تجارت و زراعت،تہذیب و تمدن اور زبان وغیرہ کا ذکر خصوصی طور پر نہیں کیا۔پورے سفر نامے میں صرف ایک جگہ شہر ” کراچی ”کی کیفیت کا ذکر کرتے ہوئے لکھتے ہیں:
” آٹھ دن کے اندر کراچی دہکھ لینا جس حد تک
ممکن تھا،دیکھ لیا گیا۔…. کراچی ماشاء اللہ شہر
ہے بہت اچھا،خوشنما،کشادہ،آباد و پر رونق،
پاکستان جیسی کم عمر مملکت کے شایان شان،
البتہ وسیع،عالیشان وسر بفلک عمارتوں کے
ساتھ تنگ و تاریک، غلیظ گلیاں اور گری
پڑی جھونپڑیاں بھی نظر میں کانٹے کی طرح
چبھتی ہیں۔ ”
اس سفر نامے کا اسلوب نہایت سہل اور مولانا عبدلالماجد دریا آبادی کے ممتاز اسلوب کی نمائندگی کرتا ہے۔حالاں کہ سفر نامہ نگار مرکوزہ تمام طرح کے اسالیب پر قادر ہے۔ہاں اتنا ضرور ہے کہ موقع کی مناسبت سے کئی جگہوں پرقرآن شریف کی آیتوں کے چھوٹے چھوٹے تؤٹکڑوں کا بر محل ااور با معنی استعمال کیا گیا۔ اسی طرح بعض جگہوں پر فارسی اور اردو اشعار اور مصروں کا بھی استعمال بر محل کیا گیا ۔ مثلاٌ مولانا عبدلالماجد دریا آبادی گورنر جنرل ہاوس کے لئے اسٹیشن سے روانہ ہوتے ہیں تو اس کا بیان اس انداز میں کرتے ہیں:
” اور منٹوں کے اندراس انوکھے مسافر کی پوری پارٹی گورنر
جنرل ہاوس میں داخل تھی!۔ غا لب کا مشہور مصرعہ؛
کبھی ہم ان کو،کبھی اپنے گھر کو دہ ٰیکھتے ہیں
یو بھی تو پڑھا جاسکتا ہے۔ع
کبھی ہم اپنے کو،اور ان کے گھر کو دہ یکھتے ہیں۔ ”
مولانا عبدلالماجد دریا آبادی کی اس ”مبارک سفر” میں جن اہم شخصیات سے ملاقات ہوئی ان کے اسماء مندرجہ ذیل ہیں۔ ملک غلام محمد، کرنل جمال عبداناصر، محمد علی،نواب سید افتخار حسین خاں،سر ظفر اللہ،قدرت اللہ شہاب، بابائے اردو مولوی عبدل الحق وغیرہ۔
حواشی؛
۱۔اردو ادب میں سفر نامہ،ص، ۲۵
۲۔عجائبات فرنگ،ص،۴
۳۔ڈھائی ہفتہ پاکستا ن میں،ص،۷
۴۔ڈھائی ہفتہ پاکستا ن میں،ص،۴۰۱،۵۰۱
۵۔ڈھائی ہفتہ پاکستان میں،ص،۱۵
